Po silleni me shumë kujdes në situata të shumta, po përpiqeni që t’i shikoni drejt aspektet e mira dhe të këqija në lidhjen tuaj dashurore. Është me rëndësi të harmonizoni mendjen me ndjenjat.
Ndoshta herë pas herë po ju mungon durimi dhe përqendrimi për detyrimet në punë, të cilat kërkojnë angazhim më të madh. Do të keni një rol më aktiv në jetën publike, ndaj kushtojini kujdes takimeve që do t’ua bëjnë këtë gjë të mundshme.
Është e nevojshme që ta përsosni stilin tuaj të shprehjes, sepse ka raste kur kjo dhunti ka efektin e shumëfishtë. Është me rëndësi t’i përfundoni të gjitha obligimet dhe mos lejoni që të tjerët t’i kundërshtojnë idetë tuaja financiare.
Nuk keni nevojë t’i kujtoni vazhdimisht disa situata të parealizuara nga dashuria e kaluar. Dashuria merr forcën më të madhe vetëm nëse do të jeni mjaft të sinqertë dhe nëse do t’u besoni ndjenjave tuaja.
Keni krijuar bindjen se personi i dashur me shkathtësi po përdor “mënyrën indirekte” që t’i realizojë qëllimet e veta, gjë që po shkakton edhe më shumë te ju pakënaqësi emocionale. Kërkoni zgjidhje të reja në planin financiar.
Sekreti i suksesit tuaj gjendet në orientimin e saktë drejt qëllimeve praktike, për aftësitë tuaja, për vlerësim të mirë të situatave dhe për shkathtësinë e përshtatjes së shpejtë me kushtet e reja.
Jeni duke ndier një presion të shtuar psikologjik dhe nevojën që të largoheni nga detyrimet e lodhshme. Ju presin rrethana të mira, të cilat ju garantojnë sukses financiar dhe mirënjohje publike.
Herë-herë po silleni sikur interesimi juaj emocional për një person të caktuar nuk është i karakterit afatgjatë. Nuk dëshironi ta ngarkoni veten me lidhje emocionale dhe po shpikni justifikime të shumëllojshme.
Ndjeni një pasiguri emocionale apo nevojë që dikush t’ju bindë për qëllimet tuaja të mira. Po përpiqeni që t’i racionalizoni disa situata dhe nuk dëshironi që të ngatërroheni në telashet e vjetra.
Sapo të gjendeni një hap afër zgjidhjes, tek ju lind një dilemë e re emocionale. Është e qartë se situata sentimentale për momentin nuk është në formën më të mirë të mundshme.
Ndjeni një shqetësim të brendshëm, por edhe nevojë të theksuar për dashurinë e dikujt. Po përpiqeni që aktivisht të merrni pjesë në ngjarje të ndryshme, por në këtë mënyrë vetëm sa do t’i shtoni dilemat tuaja emocionale.
Ngjarjet e reja në skenën ekonomike po ju imponojnë që të ndërmerrni veprime të shpejta. Megjithatë, strategjia të cilën do të zbatoni më në fund do t’ju sjellë rezultate pozitive.
